சரவணம்பட்டி – துடியலுார் சாலை வரை நான்கு வழியாக்கினால் பிரச்னை தீரும்

சரவணம்பட்டியில் இருந்து துடியலுார் இணைப்பு சாலை வரை, தினமும் ஏராளமான வாகனங்கள் செல்கின்றன. ‘பீக் ஹவர்ஸில்’ போக்குவரத்து நெருக்கடி ஏற்படுவதால், சாலையை விஸ்தரிக்க வேண்டிய கட்டாயம் ஏற்பட்டிருக்கிறது.

இதுதொடர்பாக, தமிழக நெடுஞ்சாலைத்துறை அமைச்சர் வேலுவிடம், மாநகராட்சி வடக்கு மண்டல தலைவர் கதிர்வேல் கொடுத்துள்ள மனுவில், ‘சரவணம்பட்டி முதல் துடியலுார் இணைப்பு சாலை வரை, போக்குவரத்து அதிகமாக உள்ளது. மூன்று கி.மீ., சுற்றளவில், பன்னாட்டு நிறுவனங்கள், ஆறு பொறியியல் கல்லுாரிகள், ஐந்து பள்ளிகள் செயல்படுகின்றன.

முக்கியமான தொழில்நிறுவனங்கள் அமைந்துள்ளன. அவிநாசி ரோடு, மேட்டுப்பாளையம் ரோட்டுக்கு இணைப்பு சாலையாகவும் உள்ளது. போக்குவரத்து நெரிசல், விபத்துகள், உயிரிழப்புகளை தடுக்க, நான்கு வழிச்சாலையாக்க வேண்டும்’ என கூறியுள்ளார்.