சர்வதேச சிலம்பம் போட்டியில் தங்கம் குவித்த கோவை வீரர்கள்

கோவை : கோவாவில் நடந்த சர்வதேச அளவிலான சிலம்பம் போட்டியில் கோவை வீரர், வீராங்கனைகள், 9 பேர் தங்கம் வென்றுள்ளனர்.

கோவாவில் தேசிய இளைஞர் விளையாட்டு மற்றும் கல்வி கூட்டமைப்பு சார்பில், சர்வதேச சிலம்பம் போட்டி கடந்த இரு நாட்கள் நடந்தது. 1,000க்கும் மேற்பட்ட வீரர், வீராங்கனைகள் ஓபன் பிரிவில் பங்கேற்றனர். தமிழகத்தில் இருந்து, 250க்கும் மேற்பட்ட வீரர்கள் பங்கேற்ற நிலையில், கோவையை சேர்ந்த, 9 பேர் தங்க பதக்கங்கள் வென்றுள்ளனர்.