கழிவு நீரை சுத்திகரித்து மறுபயன்பாட்டுக்கு வழங்குவதற்கு மாத்தி யோசிக்கிறாங்க!

மாசுக்கட்டுப்பாட்டு வாரிய விதிமுறைப்படி, சுத்திகரித்து, குளத்தில் தேக்கப்படும்.நொய்யல் ஆற்றை அளவீடு செய்து, மேம்படுத்தப்படும்.

நீர் நிலைகளுக்கு,தண்ணீர் வரும் வழித்தடங்களில் இருந்து தடைகளை அகற்றியிருக்கிறோம். இனி, கழிவு நீர் வராத அளவுக்கு ஆய்வு செய்து விரிவான திட்ட அறிக்கை தயாரித்திருக்கிறோம். அரசின் ஒப்புதலுக்கும், நிதி ஒதுக்கீட்டுக்கும் அனுப்பியுள்ளோம்.

இவ்வாறு, கமிஷனர் கூறினார்.

சூரிய ஒளியில் மின்னுற்பத்தி

கமிஷனர் சிவகுரு பிரபாகரன் கூறியதாவது:150 கோடி ரூபாய் மதிப்பீட்டில், 20 மெகாவாட் சூரிய ஒளி மின்னுற்பத்தி நிலையம் வெள்ளலுாரில் அமைய இருக்கிறது. செம்மொழி பூங்கா பணிகள், 60 சதவீதம் முடிந்திருக்கிறது; 2.5 லட்சம் செடிகள் நடப் போகிறோம். அதில், 30 ஆயிரம் செடிகள் நடும் பணி நடந்து வருகிறது. நமது மாநிலத்தின் பாரம்பரிய, அரிய வகை செடிகளாக அறியப்பட்ட, 512 செடிகள் கண்டறியப்பட்டு, அவற்றின் விதைகள் சேகரித்து, முளைக்க வைத்து, செடிகளாக நட்டு வருகிறோம். ஒவ்வொரு செடியின் வரலாறு தொடர்பாக, மக்கள் அறியும் வகையில் பலகை மற்றும் ‘க்யூஆர்’ கோடு வைக்கப்படும்.’ரூ.68.79 கோடியில் ‘பயோ காஸ்’ திட்டம் செயல்படுத்துவதற்கான பணிகள் நடந்து வருகின்றன; கோர்ட்டில் தொடரப்பட்டுள்ள வழக்கில் தீர்ப்பு பெறப்பட்டு, இப்பணி மேற்கொள்ளப்படும். 600 மெட்ரிக் டன் குப்பையில் மின்சாரம் தயாரிக்கும் திட்டம் செயல்படுத்த உள்ளோம். மாநகராட்சியோடு அருகாமையில் உள்ள உள்ளாட்சி அமைப்புகளை இணைத்து செயல்படுத்தப்படும். இதற்கான விரிவான திட்ட அறிக்கை, இரு வாரத்தில் தயாராகி விடும். குப்பையில் காஸ் தயாரிக்கும் திட்டம்;மின்சாரம் தயாரிக்கும் திட்டம் பயன்பாட்டுக்கு வந்து விட்டால், கிடங்கிற்கு குப்பை செல்லாமல் தவிர்த்து விடலாம்.இவ்வாறு, அவர் கூறினார்.