லிடார் தொழில் நுட்பம் வந்தாச்சு! விவசாய, மனைகளை அளக்க

மனையிடபரப்பு, கட்டடங்கள், தொழிற்சாலைகள், பள்ளிகள், கல்லுாரிகள், வர்த்தக ஸ்தாபனங்கள் என்று அனைத்தும் தனித்தனியாக வகைப்படுத்தப்படும். இவையனைத்தும் இணையத்தில் பதிவு செய்யப்படும். இந்த தரவுகள் அனைத்தும் பதிவேற்றப்படும். இத்திட்டம் நகரவளர்ச்சித்துறையின் கீழ் செயல்படுத்தப்படுகிறது.

இவ்வாறு அவர் கூறினார்.

இது குறித்து வேளாண் துறை அதிகாரிகள் கூறியதாவது: இந்திய வேளாண் ஆராய்சிக்கழகம் (ஐகார்) புதிய திட்டத்தின் படி வேளாண் பரப்புகளை துல்லியமாக அளவீடு செய்து வருகிறது. தமிழகத்திலுள்ள ஏழு மாவட்டங்களில் இப்பணிகள் துவங்கியுள்ளது. கோவையில் விரைவில் துவங்கும் என்றனர்.

லிடார் என்றால் என்ன?

ஒரு தனித்துவமான தொலை உணர்வு தொழில்நுட்பம், லேசர் வடிவிலான ஒளியை கொண்டு பரப்பளவையும், எல்லைகளையும், சுற்றுப்பரப்பையும் துல்லியமாகவும் எளிதாகவும் கண்டறியும். துல்லியமான முப்பரிமாண தகவல்களை உருவாக்கும், வேளாண், கட்டுமானம், சாலைப்பணி மற்றும் சுரங்கத் தொழில்கள் உள்ளிட்ட தொழில்துறையில் பயன்படுத்தப்படும் சிறந்த அமைப்பாகும்.லிடாரில்ஒரு லேசர், ஒரு ஸ்கேனர், ஜி.பி.எஸ்., சர்வே ரிசீவர் ஆகியவற்றை டிரோனில் பொருத்தி அளவீடு மேற்கொள்ளலாம். இதன் வாயிலாக சமதளமான நிலத்தையும், வயல்வெளி பரப்பையும், ஆழமான பகுதிகளையும் துல்லியமாக அளவிடமுடியும். சில நேரங்களில் ‘எட்ஜ் லிடார்’ என்ற கருவியையும் மிகத்துல்லியமாக அளவீடு செய்ய பயன்படுத்தலாம்.