கோவை; பி.எஸ்.ஜி., சர்வஜனா முன்னாள் மாணவர் பேரவை சார்பில், முன்னாள் மாணவர் சந்திப்பு நிகழ்வு பள்ளி அரங்கில் நேற்று நடந்தது
பி.எஸ்.ஜி., குழுமங்களின் நிர்வாக அறங்காவலர் கோபாலகிருஷ்ணன் தலைமை வகித்து, நிகழ்வுகளை துவக்கி வைத்தார். சர்வஜனா பள்ளியின் நுாற்றாண்டு விழாவின் ஒரு பகுதியாக நடந்த இந்நிகழ்வில், முன்னாள் மாணவர் சங்க பேரவைக்கான லோகோ மற்றும் வாழ்நாள் உறுப்பினர் அட்டை வெளியிடப்பட்டது.
முன்னாள் மாணவர்களை, ஒருவருக்கொருவர் தொழில் ரீதியாக ஒருங்கிணைந்து உதவும் வகையில், தொழில் சார்ந்த ஒருங்கிணைப்பு குழு அமைக்கப்பட்டது. மாணவர்களின் கலை நிகழ்வுகள் நடத்தப்பட்டன. முன்னாள் ஆசிரியர்கள் கவுரவிக்கப்பட்டனர். பி.எஸ்.ஜி., நிறுவனங்கள் தேர்வுகள் பிரிவு இயக்குனர் சந்திரமோகன், சங்க நிர்வாகிகள் உள்ளிட்ட பலர் பங்கேற்றனர்.
