தியானத்தின் வாயிலாக மனம் எனும் அதிசயத்தை அனைவரும் உணர வேண்டும்

தியானம் என்ற செயல் முறையின் மூலம், மனதை அதிசயமாக செயல்படும் வகையில் இயக்க கற்றுக் கொள்ள முடியும். அடுத்த ஆண்டு துவக்கத்தில், ‘மிராக்கிள் ஆப் தி மைண்ட்’ என்ற செயலியை வெளியிட இருக்கிறோம்.

இது, நீங்கள் எங்கு இருந்தாலும் செய்யக்கூடிய, எளிய தியான பயிற்சிகளை உங்களுக்கு வழங்கும். இதன்மூலம் அமைதி, ஆனந்தம் மற்றும் உற்சாகத்தை, உங்கள் வாழ்வில் கொண்டு வர முடியும். பூமியில் உள்ள ஒவ்வொரு மனிதனும், மனம் என்னும் அதிசயத்தை உணர்ந்திட வேண்டும்.

டிச.,21ம் தேதியை, இதற்கு தேர்ந்தெடுத்து இருப்பது மிகவும் பொருத்தமானதாகும். ஏனென்றால், இது குளிர்கால கதிர் திருப்ப நாள் அல்லது உத்தராயண காலத்தின் துவக்கம்.

உலகிற்கு மாற்றத்திற்கான கருவிகளை எடுத்து செல்வதில், பாரதம் மீண்டும் முன்னணியில் இருப்பது அற்புதமானது. மகிழ்ச்சியான, ஆரோக்கியமான மற்றும் உற்சாகமான மனிதர்களின் தலைமுறையை உருவாக்குவதில், இது மிகவும் முக்கியமான மற்றும் குறிப்பிடத்தக்க படியாகும்.

இவ்வாறு, சத்குரு கூறியுள்ளார்