ஜன்சதாப்தி ரயிலில் எல்.எச். பி., பெட்டிகள் இணைப்பு; கேக் வெட்டி கொண்டாட்டம்

கோவை – மயிலாடுதுறை – கோவை இடையே, ஜன் சதாப்தி விரைவு ரயில், தமிழகத்தில் இயக்கப்பட்டு வருகிறது. 21 ஆண்டுகளாக இயக்கப்பட்டு வரும், பழமையான ரயில் இது. கட்டணம் குறைவு என்பதால் ஏராளமான பயணிகள், இந்த ரயிலில் பயணித்து வருகின்றனர்.

முழுமையாக முன்பதிவு செய்யப்பட்ட இந்த ரயிலில் ஏ.சி., இருக்கை வசதி, மற்றும் இரண்டாம் வகுப்பு இருக்கை ஆகிய இரு பிரிவுகளில், இருக்கைகள் உள்ளன.

கும்பகோணம், நாகூர், வேளாங்கண்ணி ஆகிய பகுதிகளில் உள்ள கோவில்களுக்கு செல்ல இந்த ரயில் உதவியாக உள்ளது. இந்த ரயில், ‘லிங்க் ஹாப்மேன் புஷ்'(எல்.எச்.பி.,) பெட்டிகளுடன் மேம்படுத்தப்பட்டுள்ளது.