சத்துணவு ஊழியர்கள் ஆர்ப்பாட்டம்

கோவை; கோவை மாவட்ட சத்துணவு ஊழியர் சங்கத்தினர், கோரிக்கைகளை வலியுறுத்தி, கலெக்டர் அலுவலகம் அருகே, நேற்று ஆர்ப்பாட்டம் நடத்தினர்.

தமிழகம் முழுவதும் உள்ள சத்துணவு மையங்களில், காலியாக உள்ள, 60 ஆயிரத்துக்கும் மேற்பட்ட பணியிடங்களை நிரப்ப வேண்டும். அரசு துறைகளில் உள்ள காலி பணியிடங்களுக்கு, பணி மூப்பு அடிப்படையில் சத்துணவு ஊழியர்களுக்கு பதவி உயர்வு வழங்க வேண்டும். சிறப்பு காலமுறை ஊதியம் பெறும் கிராம உதவியாளர்களுக்கு வழங்குவது போல், ஓய்வு பெறும் சத்துணவு ஊழியர்களுக்கும் அகவிலைப்படியுடன் ரூ.6,750 ஓய்வூதியம் வழங்க வேண்டும் என்கிற கோரிக்கைகளை வலியுறுத்தி, சத்துணவு ஊழியர் சங்கத்தினர் கோஷம் எழுப்பினர்.