கோவை: கோவை தமிழ்நாடு வேளாண்மை பல்கலைக்கழகத்தில் பூச்சியியல் துறை சார்பில் வரும் 6ம் தேதி தேனீ வளர்ப்பு தொடர்பான ஒரு நாள் பயிற்சி அளிக்கப்படுகிறது. பயிற்சியில், தேனீ இனங்களை கண்டுபிடித்து வளர்த்தல், பெட்டிகளில் தேனீ வளர்க்கும் முறை மற்றும் நிர்வாகம், தேனீக்கு உணவு தரும் பயிர்கள் மற்றும் மகரந்த சேர்க்கை மூலம் மகசூல் அதிகரிக்கும் பயிர்களின் விவரம், தேனை பிரித்தெடுத்தல், தேனீக்களின் இயற்கை எதிரிகள் மற்றும் நோய் நிர்வாகம் குறித்த பயிற்சி அளிக்கப்படும்.
பயிற்சி கட்டணம் ரூ.590 ஆகும். இதனை பயிற்சியின் போது நேரடியாக செலுத்த வேண்டும். பயிற்சி காலை 10 மணி முதல் மாலை 5 மணி வரை நடக்கிறது. கூடுதல் தகவலுக்கு பல்கலையின் பூச்சியியல் துறையை 0422-6611214 என்ற எண்ணில் தொடர்பு கொள்ளலாம் என வேளாண் பல்கலைக்கழகம் சார்பில் தெரிவிக்கப்பட்டு உள்ளது.
