கோவை அரசு மருத்துவமனையில் சுகாதாரம் என்ன விலை ? நோயாளிகளுக்கு ஈ மொய்க்கும் உணவு; கழிவறையின் அருகில் சமையலறை

உணவுக்கு சக்கர நாற்காலி

தவிர, உணவு பாத்திரங்களை, நோயாளிகளை கொண்டு செல்லும் சக்கர நாற்காலியில் வைத்து தள்ளிச்செல்கின்றனர். அதே நாற்காலியைதான், சலவை துணிகள் கொண்டு செல்லவும் பயன்படுத்திக்கொள்கின்றனர். பாத்திரங்கள் மூடப்படாமல், ஈக்கள் மொய்க்கும் உணவுகளை நோயாளிகளுக்கு வினியோகிப்பது, மேலும் தொற்று பாதிப்புகளைத்தான் ஏற்படுத்தும்.

இதுகுறித்து, டீன் நிர்மலாவிடம் கேட்டபோது, ”சமையலறையில், அடிக்கடி ஆய்வு செய்யப்படுகிறது. சுகாதாரம் பின்பற்றவும் அறிவுறுத்தல்கள் வழங்கப்பட்டுள்ளன. இன்று(நேற்று) உணவு எடுத்து செல்லும் வாகனம் பழுதான காரணத்தால், நேரடியாக வாங்கிச் சென்றனர். இதுகுறித்து, உரிய அறிவுறுத்தல் வழங்கி கண்காணிக்கப்படும்,” என்றார்.

சமையலறை அருகில் கட்டண கழிப்பிடம் உள்ள நிலையில், திறந்த நிலையில், சுகாதாரமற்ற முறையில் நோயாளிகளுக்கான உணவை கையாள்வது, ‘ஏழைகள் சாப்பிடும் உணவு தானே… யார் கேட்கப்போகிறார்கள்’ என்ற, மருத்துவமனை நிர்வாகத்தின் அலட்சியமே காரணம் என எடுத்துக் கொள்ள வேண்டிஉள்ளது.

உணவு பாதுகாப்புத்துறை?

உணவு தயாரிப்பு, வினியோகிக்கும் இடங்கள் சுகாதாரமாக இருக்க வேண்டியது அவசியம், உணவு வினியோகிப்பவர்கள் தலைக்கும், கைக்கும் உறை அணிந்து இருக்க வேண்டும். ஆனால், அரசு மருத்துவமனை வளாகத்தில் உள்ள சமையலறையில், இதுபோன்ற விதிமுறைகள் பின்பற்றப்படுவதில்லை. இந்த விதிமுறைகளை ஓட்டல்தோறும் வலியுறுத்தும் உணவு பாதுகாப்புத்துறை, இதுபோன்று, அரசு கட்டுப்பாட்டில் உள்ள உணவு தயாரிப்பு இடங்களை கண்டுகொள்ளாதது, அத்துறையின் மீது பல்வேறு சந்தேகங்களை எழுப்பத் தோன்றுகிறது.