கனிம வள கொள்ளை நடந் த கிராமங்களில் அதிகாரிகள் ‘சர்வே’

கனிமவளத்துறை உதவி இயக்குனர்கள் அந்தஸ்திலான அதிகாரிகள் தலைமையில், 5 குழுக்கள் அமைக்கப்பட்டு, சர்வே அறிக்கை மற்றும் ட்ரோன் வீடியோ சமர்ப்பிக்க உத்தரவிடப்பட்டிருந்தது.

இதனைத்தொடர்ந்து, பேரூர் தாலுகாவிற்குட்பட்ட தொண்டாமுத்தூர், தேவராயபுரம், வெள்ளிமலைபட்டிணம், ஆலாந்துறை, கரடிமடை உள்ளிட்ட பகுதிகளில், மண் கொள்ளை நடந்த கிராமங்களில் உள்ள விளைநிலங்கள், தரிசு நிலங்கள் என, அனைத்து நிலங்களையும், கனிம வளத்துறை குழுவினர், வருவாய்த்துறையினருடன் இணைந்து, சர்வே செய்து வருகின்றனர்.

இக்குழுவினர், வரும் 23ம் தேதி, சர்வே அறிக்கை சமர்ப்பிக்க உள்ளனர். அதன்பின், மண் கொள்ளை நடந்த இடங்களில், ட்ரோன் மூலம் வீடியோ எடுத்து, வரும் 31ம் தேதிக்குள், வீடியோ பதிவை, கனிமவளத்துறை கமிஷனருக்கு தாக்கல் செய்ய உள்ளனர்.