மேட்டுப்பாளையம் : மேட்டுப்பாளையம் நெல்லித்துறை சாலையில், நீலகிரி கூட்டுறவு விற்பனைச் சங்கம், செயல்பட்டு வருகிறது. இங்கு, நீலகிரி மாவட்டம் ஊட்டி, குன்னூர், கோத்தகிரி, கேத்தி, கூடலூர் என பல்வேறு இடங்களில் உற்பத்தி செய்யப்படும் உருளைக்கிழங்குகள் ஏலம் விடப்பட்டு விற்பனை செய்யப்படுகிறது.
பொங்கல் பண்டிகை மற்றும் அதற்கு அடுத்த நாட்களில் அதிகபட்சமாக 45 கிலோ எடை கொண்ட ஒரு மூட்டை, ஊட்டி உருளைக்கிழங்கு ரூ.2,200 வரை விற்பனை ஆனது. தற்போது ரூ.2,000க்கும் கீழ் குறைந்து விற்பனையாகி வருகிறது.
இதுகுறித்து, கூட்டுறவு விற்பனை சங்க அதிகாரி ஒருவர் கூறுகையில், ஊட்டி உருளைக்கிழங்குகள் வரத்து குறைந்த போதிலும் விலை உயராமல் குறைந்து விற்பனை ஆனது. நேற்று ஊட்டி கிழங்குகள் அதிகபட்சமாக ரூ.1,900க்கு விற்பனை ஆனது. சுமார் 2,100 மூட்டைகள் லோடு வந்தன, என்றார்.—
