இன்றைய தகவல் தொழில்நுட்ப வளர்ச்சியில்ஆண்டிராய்டு செல்போன்பயன்பாடு மிகவும் அத்தியாவசியமாகி விட்டது. ஆனால் சில நேரங்களில் அது தனிப்பட்ட ஒருவரின் வாழ்வையே சீரழித்துவிடும் அபாயம் உள்ளது. சமூகத்தில் நிகழும் பல்வேறு குற்றங்களுக்கு ஸ்மார்ட் போன்களில் சமூக வலைதளங்களை அதிகம் பயன்படுத்துவதே காரணமாக உள்ளது. இதுபோல் கோவையை சேர்ந்த பெண் என்ஜினீயரிடம்ரூ.7 லட்சம் வரை மோசடி செய்யப்பட்ட சம்பவம்குறித்து போலீஸ்தரப்பில் கூறப்பட்டதாவது:-
கோவை சேர்ந்த 35வயது பெண் என்ஜினீயர் ஒருவர், கணவரிடம் விவாகரத்துபெற்று தனியாகவசித்து வருகிறார். இவர் சொந்தமாக ஜவுளிக்கடை நடத்தி வருகிறார். இவர் கடந்த 15 ஆண்டுகளுக்கு முன்பு நாமக்கல் மாவட்டத்தில் உள்ள ஒரு என்ஜினீயரிங் கல்லூரியில் படித்தார். அப்போது அவருடன் கேரள மாநிலம்ஆலப்புழாவை சேர்ந்தஜிதின்ஷா(வயது 35) என்பவர் படித்துள்ளார்.
இந்த நிலையில் ஜிதின்ஷா கடந்த 2018-ம் ஆண்டு ஆகஸ்டு மாதம் 8-ந்தேதிஅந்த பெண்ணிடம்இன்ஸ்டாகிராம் மூலம் நண்பராக இணைந்தார். முதலில் பழக்கம்சாதாரணமாக தொடர்ந்தது. பின்னர் அவர்கள் இருவரும் தங்களதுகுடும்ப சூழ்நிலைகளைபகிர்ந்து கொண்டனர்.
பெண் என்ஜினீயரின் திருமணமுறிவை தெரிந்து கொண்டஜிதின்ஷா, தனக்கு இன்னும் திருமணம் ஆகவில்லை என்று கூறியுள்ளார். மேலும் அவ்வப்போது ஆறுதல் வார்த்தைகளையும் பேசியுள்ளார்.
இது கணவரை விவாகரத்து செய்த பெண் என்ஜினீயருக்கு ஆறுதலாக இருந்தது. மேலும் அவர் மீது ஈர்ப்பு தோன்றியது.இதை புரிந்துகொண்டஜிதின்ஷா, ஒரு கட்டத்தில் பெண் என்ஜினீயரிடம்உன்னை திருமணம்செய்து கொள்ள விரும்புகிறேன் என்று ஆசை வார்த்தை கூறி உள்ளார். அவரது காதல் மொழியில் மயங்கியஅந்த பெண்என்ஜினீயர் அவரிடம்நெருங்கி பழகினார்.
இதையடுத்து அவர் அடிக்கடி கோவை வந்து பெண் என்ஜினீயரிடம் பேசி உள்ளார். அப்போது நாம்திருமணத்துக்கு பிறகுவெளிநாட்டில் குடியேறி விடலாம். அதற்காக வெளிநாட்டில்வேலை தேடுகிறேன்.அதற்கு பணம்செலவாகும் என்று கூறி அவ்வப்போது பணம் வாங்கியுள்ளார்.
அந்த வகையில் ஜிதின்ஷா, பெண் என்ஜினீயரிடம் கொஞ்சம் கொஞ்சமாக ரூ.7 லட்சம் வரை பணம் பறித்துள்ளார். மேலும் பெண் என்ஜினீயரின் கிரெடிட் கார்டையும் வாங்கி அதில் இருந்தும் பணத்தை எடுத்து உள்ளார்.
இந்த நிலையில்கோவை பெண் என்ஜினீயரிடம் கடந்த மாதம் 14-ந்தேதி அமெரிக்காவில் இருந்து சமூகவலைத்தளம் மூலம் ஒரு பெண் பேசியுள்ளார். அப்போது அந்த பெண், தான் ஜிதின்ஷாவின் மனைவி என்றும், அவர் சமூகவலைத்தளம் மூலம் பல பெண்களிடம் பழகி திருமணம்செய்வதாக கூறி ஏமாற்றி பணம் பறிப்பதாகவும், இதனால் அவரைவிட்டு பிரிந்து அமெரிக்காவில் வசித்து வருவதாகவும் கூறியுள்ளார்.
இதைகேட்டு அதிர்ச்சியடைந்த கோவை பெண்என்ஜினீயர், தான் ஏமாற்றப்பட்டது குறித்து கடந்த21-ந்தேதி கோவை வந்த ஜிதின்ஷாவிடம் கேட்டு உள்ளார். உடனே அவர் கொலை மிரட்டல் விடுத்தார். அப்போது தான் ஜிதின்ஷாவின் மோசடி பற்றி பெண் என்ஜினீயருக்கு தெரியவந்தது.
இதுகுறித்து கோவை குனியமுத்தூர் போலீசில் பெண் என்ஜினீயர் புகார் கொடுத்தார். அதன் பேரில் போலீசார் விசாரணை நடத்தினர். இதில்,ஜிதின்ஷா மோசடியில் ஈடுபட்டது தெரிய வந்தது.
ஜிதின்ஷாவை மடக்கி பிடிக்க திட்டமிட்டபோலீசார், பெண் என்ஜினீயரின் நண்பர்கள் மூலம்சமரச பேச்சுவார்த்தை நடத்தஅழைப்பது போன்றுஅவரை வரவழைத்தனர். இதை நம்பிய அவரும் கோவை வந்தார். அப்போது ஜிதின் ஷாவை போலீசார் மடக்கிப்பிடித்து கைது செய்தனர்.
அவர் மீது கொலை மிரட்டல், மோசடி உள்ளிட்ட பிரிவுகளின் கீழ் போலீசார் வழக்குப்பதிவு செய்தனர். பின்னர் அவரை கோர்ட்டில் ஆஜர்படுத்தி கோவை மத்திய சிறையில்அடைத்தனர். மேலும் அவர் எத்தனை பெண்களை ஏமாற்றி உள்ளார் என்பது குறித்து போலீசார் விசாரணை நடத்தி வருகின்றனர்.
இந்த சம்பவம் கோவையில் பரபரப்பை ஏற்படுத்தி இருக்கிறது.
